<p style="text-align: justify;">کابل (پژواک، ۶ غویی ۱۴۰۲): په کابل کې د جاپان سفارت اعلان کړی چې میندو او ماشومانو ته د اړینو واکسینونو برابرولو لپاره یې له افغانستان سره ۱۸ میلیون ډالر مرسته کړې ده.</p>
<p style="text-align: justify;">په کابل کې د جاپان سفارت نن (چهارشنبه) د یوه <strong><a href="https://twitter.com/JapaninAFG/status/1651082782796292097">ټویټ</a> </strong>په خپرولو سره ویلي چې دا مرستې به له ماشومانو د ملګرو ملتونو ملاټر صندوق (یونیسف) له لارې په افغانستان کې ولګول شي.</p>
<p style="text-align: justify;">دا په داسې حال کې ده چې تر دې وړاندې هم یونیسف ویلي و، په تېر زېږدیز کال کې په افغانستان کې شاوخوا ۱۷۷ زره ماشومان له واکسین څخه بېبرخې شوي دي.</p>
