کابل (پژواک، ۲۷ غویی ۱۴۰۲): د ورزش او المپيک ملي کمېټه وایي، د هرات ولایت د بایسکلځلغوونکو اووه کسیزه ډله کابل ته له رارسېدو وروسته نن ننګرهار ته روانه شوه.
یادې کمېټې په خپله ټویټرپاڼه کې لیکلي چې د هرات د بايسکلځغلوونکو اووه کسيزه ډله له يوولس ورځني سفر وروسته تېره ورځ کابل ته راورسېده چې د المپیک ملي کمېټې او سپورټ عمومي ریاست له لوري يې تود هرکلی وشو.
سرچینې لیکلي، د ورزش او المپیک ملي کمېټې هغوی ته د هر ډول همکارۍ ډاډ ورکړ او د یادو ورزشکارانو هڅې او فعالیتونه یې وستایل او د نورو ورته لاسته راوړنو غوښتنه یې ترې وکړه.
دغه راز د ورزش او المپیک ملي کمېټې ویاند اتل مشواڼې پژواک ته وویل، د هرات ولايت د بايسکلځغلوونکو اووه کسيزه ډله د کابل - هرات لويې لارې د بيارغونې له پیغام سره له يوولس ورځو سفر وروسته تېره ورځ کابل ته راورسېده او له کابله وروسته نن ننګرهار ته روانه شوه.
هغه وویل، دغه ورزشکاران به له ننګرهاره بېرته هرات ته ستانه شي.
نوموړي وویل، د یادو ورزشکارانو د سفر موخه او پیغام دا و چې د کابل - هرات عمومي سړک دې په اساسي ډول ورغول شي.
د یادونې ده، دې ډلې له دې مخکې هم له بېلابېلو شعارونو او پیغامونو سره د هېواد بېلابېلو ولایتونو ته سفرونه کړي دي.
غړيYou need to subscribe to view the full article. Please login or register a new account.











