کابل (پژواک، ۲۷ غویی ۱۴۰۲): په خوست ولایت کې د «زرغون افغانستان» په نوم د کرکټ یو ورځنۍ سیالیو پایلوبه د باران له امله بېپایلې پای ته ورسېده.
د افغانستان کرکټ بورډ له لوري د زرغون افغانستان په نوم د کرکټ دویم پړاو یو ورځنۍ سیالۍ د روانې غویي میاشتې په ۹مه نېټه په خوست ولایت کې پیل شوې وې او نن یې پایلوبه وه.
کرکټ بورډ وایي، د زرغون افغانستان جام سیالیو پایلوبه په خوست کرکټ لوبغالي کې د شدید اورښت له امله بې پایلې پای ته ورسېده او د اتلولۍ جام دواړو لوبډلو ته په شریکه ورکړل شو.
په یادو سیالیو کې څلورو لوبډلو برخه اخیستې وه چې د افغانستان د کرکټ ملي لوبډلې یو شمېر لوبغاړي هم په کې ولوبېدل.
login or register a new account.
