غزني، فيضاباد (پژواک، ۴ غبرګولى ۱۴۰۲): د غزني په ګيرو ولسوالۍ کې يوې ځوانې نجلۍ ځانوژنه کړې او په بدخشان کې د ګازډبې چاودنې له امله دوې ښځې ټپيانې شوې دي.
د غزني ولایت د امنيې قوماندانۍ ویاند ابوخالد سرحدي پژواک ته وویل چې تېره شپه د ګيرو ولسوالۍ په پناه سیمه کې يوې ځوانې نجلۍ د موټرونو په ګاراج کې ځان په رسۍ زندۍ کړې او مړه شوې ده.
هغه وايي، د پېښې اصلي لامل تر اوسه معلوم نه دى خو ښايي د کورني تاوتريخوالي له امله رامنځته شوې وي.
سرحدي وويل چې امنيتي کسان سيمې ته ورغلي څو د پېښې اصلي لامل معلوم کړي.
بايد وویل شي چې ځانوژنه د اسلام له نظره لويه ګناه ده او هغه کسان چې ستونزې لري، د دې پرځای چې په ځانوژنې سره لويه ګناه وکړي او خپله کورنۍ هم غمجنه کړي، د ستونزو د حل لپاره دې هڅه وکړي او که ستونزه يې رواني وي، د درملنې لپاره دې ډاکټر ته مراجعه وکړي، څو تر درملنې وروسته سوکاله ژوند ولري.
دغهراز د يو بل خبر له مخې، په بدخشان کې د ګازډبې چاودنې له امله دوه ښځې ټپيانې شوې دي.
د بدخشان د اطلاعاتو او فرهنګ رياست سرپرست حکمتالله محمدي پژواک ته وويل، نن سهار شاوخوا شپږ بجې د راغستان ولسوالۍ د کلاتک کلي په يوه کور کې ګازډبې چاودنه کړې ده.
هغه وايي، په دې پېښه کې دوه ښځې ټيپانې شوې او د کور ډېره برخه ويجاړه شوې ده.
نوموړي وويل چې د پېښې ټپيان روغتون ته انتقال شوي او تر درملنې لاندې دي.
غړيYou need to subscribe to view the full article. Please login or register a new account.
