<p style="text-align: justify;">کابل (پژواک، ۶ غبرګولی ۱۴۰۲): د نیمروز امنیې قوماندانۍ د دغه ولایت د کنګ ولسوالۍ په سرحدي سیمه کې د افغان او ایراني پولهساتو ځواکونو ترمنځ د نښتې خبر ورکړی دی.</p>
<p style="text-align: justify;">د نیمروز د امنیې قوماندانۍ ویاند سمونیار ګلمحمد قدرت پژواک خبري اژانس ته وویل، نن شاوخوا یوولس بجې د کنګ ولسوالۍ د ماککي کلي په سرحدي سیمه کې د افغان او ایراني سرحدي ځواکونو ترمنځ نښته وشوه او شاوخوا ۲:۲۰ دقیقې پای ته ورسېده.</p>
<p style="text-align: justify;">هغه وویل چې تر اوسه د نښتې لامل روښانه نه دی.</p>
<p style="text-align: justify;">نوموړي زیاته کړه چې افغان پولهساتي ځواکونو له سپکو وسلو استفاده کړې، خو ایراني ځواکونو بیا راکټونه توغولي چې د دغه ولایت مرکز زرنج ښار له پخواني هوایي ډګر سره نږدې لګېدلي دي.</p>
<p style="text-align: justify;">هغه وویل چې تر اوسه په پېښه کې د اوښتې مرګژوبلې په اړه ورته معلومات نه دي رسېدلي.</p>
