هرات (پژواک، ۹ غبرګولی ۱۴۰۲): د هرات سیمهییزې سرچینې وایي، په دغه ولایت کې امنیتي ځواکونو د یو لړ عملیاتو په پایله کې یوه پنځه کسیزه ډله د نشهیي توکو د تولید په تور نیولې ده.
د یاد ولایت له نشهیي توکو سره د مبارزې عمومي مدیر مولوي حیاتالله روحاني وویل، امنیتي ځواکونو نن سهار د هرات ښار په مربوطاتو کې د یو لړ کشفي عملیاتو په ترڅ کې ۵ کسان د نشهیي توکو د تولید په تور نیولي دي.
هغه په دې اړه ډېر جزئیات ور نه کړل.
خو د هرات د امنیې قوماندانۍ یوه خبرپاڼه کې ویل شوي چې له دغو کسانو څخه ۱۷۵۰ کیلوګرامه کاسټیک سوډا، ۴۰۰۰ کیلوګرامه اهک، د نشهیي توکو د پروسس عامل ۸۰ لیتره تیزاب ترلاسه شوي دي.
سرچینه زیاتوي چې نیول شوي کسان اوس د امنیې قوماندانۍ تر نظارت لاندې دي او دوسیې یې بشپړې او عدلي او قضایي ارګانونو ته سپارل شوې دي.
د یادونې ده، تېره ورځ هم په هرات ښار کې د یو لړ عملیاتو په ترڅ کې درې کسان د نشهیي توکو د پلور نیول شوي وو.
غړيYou need to subscribe to view the full article. Please login or register a new account.
