زرنج (پژواک، ۲۱ غبرګولی ۱۴۰۲): د افغانستان سرپرست حکومت وایي چې د ایران له زندانونو سل افغان بندیان خوشي او هېواد ته ستانه شول.
د افغانستان د زندانونو عمومي رییس مولوي محمدیوسف چې نیمروز ولایت ته یې سفر کړی وایي، په تهران کې د افغانستان اسلامي امارت د سفارت د هڅو په پایله کې ۱۰۰ افغان بندیان چې د ایران په څلورو ولایتونو کې د بېلابېلو جرمونو په تور بندیان وو، خوشي شوي دي.
سرچینې زیاته کړې چې خوشې شوي افغان بندیان په تهران کې د افغانستان سفارت د مرستیال، مفتي محمدعلیم نوراني او له ایرانه افغانستان ته د افغان بندیانو د لېږد کمېټې د پلاوي په حضور کې د نیمروز بهرنیو چارو وزارت استازولۍ او د یاد ولایت د بندخونې مدیریت ته وسپارل شول.
د یادونې ده، له دې مخکې هم په تهران کې د افغانستان اسلامي امارت سفارت په هڅو سلګونه افغان بندیان ازاد او هېواد ته راستانه شوي دي.
Visits: 44
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن