تالقان (پژواک، ۲۲ غبرګولی ۱۴۰۲): په تخار کې ځايي سرچينې وايي، نن سهار د تخار پوهنتون پر يوه محصل د ناپېژاندو کسانو له خوا د چاقو په وسیله برید شوی چې لومړی ټپي او بیا روغتون ته تر لېږدولو وروسته مړ شوی دی.
د تخار پوهنتون رییس قاري محمدبشیر مجاهد د پېښې په تایید سره پژواک خبري اژانس ته وویل، یاده پېښه د پوهنتون له محوطې بهر هغه مهال رامنځته شوه چې دغه محصل نن سهار شاوخوا ۶ بجې د درس ویلو په موخه له پوهنتونه بهر وتلی و.
مجاهد زیاتوي، دغه محصل امیدالله نومېده، د کندوز د خاناباد ولسوالۍ اصلي اوسېدونکی او د تخار پوهنتون د ژبو او ادبیاتو پوهنځي د دویم کال محصل و.
د تخار پوهنتون رییس که څه هم د یادې پېښې د لامل او انګېزې په اړه ناخبري ښيي خو وايي، له امنیتي ځواکونو سره په همغږۍ د پېښې د عاملینو د نیولو هڅې روانې دي.
د تخار امنیتي مسوولینو تر اوسه په دې اړه رسنیو ته څه نه دي ویلي.
غړيYou need to subscribe to view the full article. Please login or register a new account.
