جو بایډن اروپا ته د خپل سفر په لړ کې لندن ته رسېدلی

<p style="text-align: justify;">کابل (پژواک، ۱۹ چنګاښ ۱۴۰۲): د امریکا ولسمشر اروپا ته د خپل سفر په ترڅ کې بریتانیا ته رسېدلی او له هغه ځای وروسته به د ناټو غړو هېوادونو مشرانو غونډې کې د ګډون لپاره لیتوانیا او فنلنډ ته ولاړ شي.</p>

<p style="text-align: justify;">رویټرز خبري اژانس پر خپله <strong><a href="https://www.reuters.com/world/biden-due-meet-king-charles-pm-sunak-during-brief-uk-visit-2023-07-08/?fbclid=IwAR0ibDzFfck7mb3Ez9Sd6AC8fF0rtPtTipnLKJeUjAML67eJyk1fLaMsEhw">وېپ</a>‌پاڼه</strong> لیکلي، د امریکا متحده ایالتونو ولسمشر جو بایډن تېره ورځ د اروپا درېیو هېوادونو ته د خپل سفر په لړ کې د بریتانیا پلازمېنې لندن ته رسېدلی او ټاکل شوې د یاد هېواد له پاچا درېيم چارلز او لومړی وزیر ریشي سوناک سره وګوري.</p>

<p style="text-align: justify;">سرچینې لیکلي چې د امریکا د ولسمشر دغه سفر پنځه ورځې دوام کوي.</p>

<p style="text-align: justify;">د سرچینې په حواله، د امریکا ولسمشر به په بریتانیا کې د یاد هېواد له چارواکو سره د نورو موضوعاتو ترڅنګ به د اقلیم بدلون په اړه هم خبرې وکړي.</p>

<p style="text-align: justify;">سرچینې زیاته کړې، بایډن به له بریتانیا وروسته د ناټو غړو هېوادونو د مشرانو غونډه کې د ګډون لپاره لیتوانیا او فنلنډ ته هم سفر وکړي.</p>

<p style="text-align: justify;">سرچینې زیاتوي، په دغه سفر کې به د امریکا ولسمشر د ناټو سازمان غړو هېوادونو مشرانو غونډه کې هم ګډون وکړي.</p>

<p style="text-align: justify;">ټاکل شوې په یاده غونډه کې پر اوکراين د روسیې د بريد او له اوکراين سره د ملاتړ پر ډېروالي او دغه راز په یاد سازمان کې د سوېډن پر غړیتوب خبرې وشي.</p>

<p style="text-align: justify;">رویټرز د سپینې ماڼۍ په حواله لیکلي: «دغه سفر زموږ د هېوادونو ترمنځ د نږدې اړیکو د لا پیاوړې کولو لپاره طرح شوی دی.»</p>