محمودراقي (پژواک، ۲۰ چنګاښ ۱۴۰۲): د کاپیسا امنیه قومانداني وايي چې د دغه ولایت د نجراب ولسوالۍ په افغانیه دره کې د لاسيبم چاودنې درې ماشومان ټپیان کړي دي.
د کاپیسا امنیې قوماندانۍ ویاند عبدالفتاح فایز وایي، یاده پېښه نن سهار اته بجې د افغانیه درې په اسپهخېل کلي کې شوې ده.
هغه زیاته کړه: «یو زوړ نارنجک چاودنه کړې چې د یوې انجلۍ په ګډون یې درې ماشومان ټپیان کړي دي.»
د فایز معلوماتو له مخې، دغه ماشومان له اوو تر لسو کلونو عمر لري او د درملنې لپاره د یاد ولایت د مرکز ده بابا علي روغتون ته لېږدول شوي دي.
