ننګرهار کې تېره يوه مياشت کې د بېلابېلو جرمونو په تړاو ۱۴۶ کسان نیول شوي

<p style="text-align: justify;">جلال‌اباد (پژواک، ۳ زمری ۱۴۰۲): د ننګرهار امنيه قوماندانۍ وايي، تېره يوه مياشت کې د دغه ولايت په مرکز او ولسواليو کې د بېلابېلو جرمونو په تړاو ۱۴۶ کسان نيول شوي دي.</p>

<p style="text-align: justify;">مسوولين وايي، دغه کسان د قتل، غلا، زنا، نامشروع اړيکو، فرېب او نشه‌يي توکو قاچاق په تړاو نيول شوي دي.</p>

<p style="text-align: justify;">د ننګرهار امنيې قوماندانۍ د امنيتي چارو مرستيال مولوي محمدطاهر مبارز د زمري په درېيمه د يوې خبرې غوڼډې پرمهال وويل، تېره يوه مياشت دوی د بېلابېلو جرمونو په تړاو ۱۴۶ کسان نيولي دي.</p>

<img class="size-full wp-image-552474 aligncenter" src="https://pajhwok.com/wp-content/uploads/2023/07/نشست-قوماندانی-امنیه-ننگرهار.webp" alt="" width="512" height="288" />

<p style="text-align: justify;">هغه زياته کړه، په دغو کسانو کې د قتل، غلا، زنا، نامشروع اړيکو، فرېب او نورو جنايي جرمونو په تور ١٢٧ کسان، د نشه‌يي توکو قاچاق او پلور په تور ۱۸ کسان او يو کس د وسلو قاچاق په تور نيول شوي دي.</p>

<p style="text-align: justify;">دی وايي، نيول شوي ټول کسان له لومړنۍ پوښتنو او څېړنو وروسته عدلي او قضايي ارګانونو ته ورپېژندل شوي دي.</p>

<p style="text-align: justify;">مولوي مبارز دا هم وويل، په تېره يوه مياشت کې ننګرهار کې ۱۵ ترافيکي پېښې رامنځته شوي چې د ماشومانو په ګډون ۳۱ کسانو ته پکې مرګ ژوبله اوښتې ده.</p>