کابل (پژواک، ۷ وږی ۱۴۰۲): د پاکستان په کراچۍ ښار کې د افغانستان کونسلګري وايي چې د کراچۍ له زندانونو ۷۵ نور افغان کډوال ازاد او افغانستان ته لېږدول شوي دي.
د پاکستان په کراچۍ ښار کې د افغانستان کونسلګرۍ سرپرست عبدالجبار تخاري نن (سهشنبه) پر خپله اېکس (ټویټر) پاڼه د یوه ويډیويي کلېپ په خپرولو ویلي چې د شپږو ماشومانو په ګډون ۷۵ افغان کډوال د پاکستان له زندانونو ازاد شوي دي.
هغه ویلي، د دغه هېواد له زندانونو د نورو افغان کډوالو خوشي کولو هڅې هم روانې دي.
شرچینې زیاته کړې چې دغه افغانان د حکومت په لګښت هېواد ته لېږدول شوي دي.
دا په داسې حال کې ده چې د روانې وږي میاشتې په ۵مه هم د کډوالو او بېرته راستنېدونکو چارو وزارت د ۲۵ نورو افغان کډوالو له خوشي کېدو هم خبر ورکړی و چې له یوې تر شپږ میاشتې حبس یې د پاکستان په زندانونو کې تېر کړی و.
