د ا.ا.ا. مشر کندهار کې له ۳۵۰ بستریز روغتونه لیدنه وکړه

[restrict paid=”true”]

کندهار (پژواک، ۲۹ وږی ۱۴۰۲): د کندهار ولایت مقام وایي چې د اسلامي امارت مشر شیخ هبت‌الله اخندزاده د عینو مینې له ۳۵۰ بستریز روغتونه لیدنه وکړه.

د کندهار ولایت مقام د وږي په ۲۹مه، په یوه خپره شوې خبرپاڼه کې ویلي، د اسلامي امارت مشر پرون مازیګر له یاد روغتونه لیدنه وکړه چې د کندهار مرستیال والي مولوي حیات‌الله مبارک، د کندهار د عامي روغتیا رییس مولوي محمدادم مسلم او یو شمېر نورو مسوولینو یې هم ملتیا کوله.

سرچینې زیاته کړې، د دې لیدنې په لړ کې د اسلامي امارت مشر لومړی پر بستر ناروغانو وګرځېد او د هغوی حال یې له نږدې واخیست، ټولو ته یې د روغتیا غوښتنه وکړه.

په خبرباڼه کې راغلي، شیخ هبت‌الله اخندزاده له هغه وروسته د دغه روغتون له ټولو برخو لیدنه وکړه او ورپسې یې د دغه روغتون د مسوولینو او روغتیايي پرسونل ستونزې او غوښتنې واورېدې او د بشپړې همکارۍ ډاډ یې ورکړ.

سرچینې ویلي چې نوموړي د بستر ناروغانو ترڅنګ د دغه روغتون له ټول روغتیايي پرسونل سره نغدي مرسته هم وکړه.

[/restrict]