پاراخ (پژواک، ۱۴ تله ۱۴۰۲ ): پنجشېر کې امنيتي سرچينې وايي، پولیسو هغه درې قاچاقبران چې غوښتل یې ۱۷ ماشومان د دغه ولایت له لارې ایران ته ولېږدوي، نیولي دي.
دپنجشېر د امنيې قوماندانۍ وياند عبادالله عباد فاروقي پژواک خبري آژانس ته وویل چې یاد ماشومان تر ۱۵ کلونو کم عمرونه لري او ټول د بغلان ولايت اوسېدونکي دي.
د هغه په خبره، دغه ماشومان د پنجشېر له لارې ايران ته انتقال پر مهال د دغه ولايت د امنيې قوماندانۍ د سيمهييزو پوليسو له لوري د قاچاقبرانو له منګولو ژغورل شوي دي.
دی وايي: «د دغو ماشومانو د قاچاق پر مهال د انسانانو درې قاچاقبران هم د پوليسو له خوا نيول شوي دي.»
هغه زياته کړه چې تر اوسه د دغو ماشومانو د قاچاق لامل نه دی معلوم خو په اړه یې د پوليسو پلټنې پيل شوې دي.
هغه څرګنده کړې چې د یادو ماشومانو کورنۍ د خپلو ماشومانو له قاچاقه بېخبري ښيي او د هغوى له بېرته را ګرځولو خوښ دي.
سرچينې زياته کړې چې دغه ماشومان به له هر اړخیزو پلټنو وروسته د پوليسو له لوري بېرته خپلو کورنيو ته وسپارل شي.
غړيYou need to subscribe to view the full article. Please login or register a new account.
