کندهار (پژواک، ۱۵ تله ۱۴۰۲): کندهار کې مسوولین وایي، د کندهار ښار د شپږمې حوزې اړوند په ځواناغا کلاچه کې ناپېژانده کسانو د سیدمحمد په نوم یو سپينږیری په ساتول وهلی او وژلی یې دی.
د کندهار امنیې قوماندانۍ ویاند حافظ صابر د جمعې په ورځ ناوخته پژواک خبري اژانس ته وویل، تر اوسه د دغه کس د وژنې انګېزه نه ده معلومه خو د پلټونو لپاره د هغه زوی د پولیسو له خوا نیول شوی دی.
د شپږمې ناحیې اوسېدونکی محمداکبر وایي، سیدمحمد له چا سره شخصي دښمني نه لرله او نه هم د هغه وژونکي چا لیدلي دي.
د سیمي ځیني اوسېدونکي بیا وایي، د سیدمحمد کورنۍ ستونزې لرلې؛ ښايي د وژنې لامل یې هم همدا ستونزې وي؛ ځکه امنیتي ځواکونو د هغه زوی نیولی دی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن