ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

وزیرستان کې د نښتو پر مهال څلور پاکستاني سرتېري او شپږ وسله‌وال وژل شوي

وزیرستان کې د نښتو پر مهال څلور پاکستاني سرتېري او شپږ وسله‌وال وژل شوي

author avatar
19 Oct 2023 - 20:41
وزیرستان کې د نښتو پر مهال څلور پاکستاني سرتېري او شپږ وسله‌وال وژل شوي
author avatar
19 Oct 2023 - 20:41

اټلانټا (پژواک، ۲۷ تله ۱۴۰۲): د پاکستان پوځ ویلي چې په شمالي وزیرستان کې د یوې نښتې پر مهال څلور سرتېري او شپږ وسله‌وال وژل شوي دي.

پاکستانیو رسنیو د دغه هېواد د پوځ د عامه اړیکو له دفتره د خپرې شوې خبرپاڼې له مخې خبر ورکړی چې دا نښته د پنجشنبې په ورځ (د تلې ۲۷مه) د شمالي وزیرستان په ګړیوم سیمه کې شوې وه.

سرچینې زیاته کړې، یوه ډله وسله‌والو هلته پر امنیتي پوستې بری کړی و چې له بریده وروسته په رامنځته شوې نښته کې درې سرتېري او شپږ وسله‌وال ووژل شول.

د پاکستان پوځ ویلي چې په وژل شوو وسله‌والو کې د حضرت زمان خاوري په نوم هغه کس هم شامل دی چې په ډېرو «ترهګریزو» بریدونو کې یې لاس درلود.

بلخوا امنیتي سرچینو ویلي چې په سویلي وزیرستان کې هم د یوې نښتې پر مهال د پاکستان پوڅ یو سرتېری وژل شوی دی.

Views: 67

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.