د کرکټ نړۍوال جام سیالۍ؛ هند نیدرلینډ ته په ماتې ورکولو پرله‌پسې نهمه لوبه وګټله

[restrict paid="true"]

<p style="text-align: justify;">اټلانټا (پژواک، ۲۱ لړم ۱۴۰۲): د یوه ورځني کرکټ نړۍوال جام ګروپي سیالیو وروستۍ لوبه کې هندوستان نیدرلینډ ته په ماتې ورکولو پرله‌پسې نهمه لوبه هم وګټله.</p>

<p style="text-align: justify;">دا لوبه چې د لړم په ۲۲مه د هند په بنګلورو ښار کې ترسره شوه، پچه یې هند ګټله او لومړی یې په خپله د توپوهنې پرېکړه  وکړه.</p>

<p style="text-align: justify;">د هند ټول لوبغاړي ښه وځلېدل او د شریاس اییر او کي اېل راهول د سلیزو پر مټ یې د څلورو لوبغاړو په سوځېدو ۴۱۰ منډې جوړې کړې او نیدرلینډ ته یې د ۴۱۱ منډو هدف ورکړ.</p>

<p style="text-align: justify;">د نیدرلینډ لوبډلې یاد هدف ترلاسه نه شو کړای او ټوله لوبډله یې په اته څلوېښتم اوور کې په ۲۵۰ منډو وسوځېده او دغه راز هند دا لوبه د ۱۶۰ منډو په ستر توپیر سره وګټله.</p>

<p style="text-align: justify;">د هند له لوري بومرا، سراج، یادف او جدیجه دوه دوه لوبغاړي وسوځول دغه راز کوهلي او روهیت شرما هم یو یو لوبغاړي وسوځول.</p>

<p style="text-align: justify;">له دې لوبې وروسته د نړۍوال جام ګروپي سیالۍ پای ته ورسېدې، هند خپلې ټولې نهه واړه لوبې وګټلې او لومړی مقام یې خپل کړ، سوېلي افریقا دویم، اسټرالیا درېیم او نیوزیلینډ څلورم مقامونو کې دي.</p>

<p style="text-align: justify;">دغه راز پاکستان پنځم، افغانستان شپږم، انګلیستان اووم، بنګله‌دېش اتم، سریلانکا نهم او نیدرلینډ لسم مقام کې راغلي دي.</p>

<p style="text-align: justify;">ټاکل شوې د سیمي فاینل لومړۍ لوبه د هند او نیوزیلینډ ترمنځ او دویمه پایلوبه د سوېلي افریقا او اسټرالیا ترمنځ ترسره شي.</p>

[/restrict]