د افغانستان – ایرلینډ د کرکټ ټېسټ‌لوبه؛ ملي لوبډلې ۱۵۵ منډې وکړې، څلور لوبغاړي په صفر وسوځېدل 

[restrict paid="true"]

<p style="text-align: justify;">اټلانټا (پژواک، ۹ کب ۱۴۰۲): د افغانستان او ایرلینډ ترمنځ د پيل شوې یوازېنۍ ټېسټ سیالۍ په لومړۍ ورځ  افغان لوبډله په ۱۵۵ منډو وسوځېده.</p>

<p style="text-align: justify;">دا لوبه چې نن  (د کب ۹مه) په اماراتو کې پیل شوه، پچه یې افغانستان وګټله او لومړۍ یې توپ‌اچونې پرېکړه وکړه.</p>

<p style="text-align: justify;">افغان لوبډله په لومړي اننګز کې په ۱۵۰ منډو وسوځېده، په افغان توپ‌وهونکو کې ابراهیم ځدراڼ تر نورو مخکښ و او په ۵۳ منډو وسوځېد، دغه راز کریم جنت په ۴۱ منډو ناسوځېدلی پاتې شو.</p>

<p style="text-align: justify;">په لومړۍ پاڼۍ کې د ناصر جمال او رحمت‌شاه په ګډون څلور لوبغاړي په صفر وسوځېدل؛ لوبډلمشر حشمت‌الله شهیدي ۲۰ او نورعلي ځدراڼ ۷ منډې وکړې.</p>

<p style="text-align: justify;">رحمن‌االله ګربز چې په لومړي ځل په ټېسټ سیالیو کې ولوبېد، په پنځو منډو یې وېکټ له لاسه ورکړه.</p>

<p style="text-align: justify;">د ایرلینډ په توپ‌اچوونکو کې مارک اډیر پنځه، کمپر او ګرېګ یانګ دوه ـ دوه افغان لوبغاړي وسوځول.</p>

<p style="text-align: justify;">د ایرلینډ لوبډلې چې لوبه پیل کړه، نو نوید ځدراڼ په لومړي سر کې دوه لوبغاړي وسوځول، خو وروسته تر ۸۰ منډو بل لوبغاړی ونه سوځېد، د ورځې په وروستیو شېبو کې ضیاءالرحمن اکبر دوه لوبغاړي وسوځول، د ورځې تر پایه ایرلینډ ۱۰۰ منډې جوړې کړې او څلور لوبغاړي یې سوځېدلي وو.</p>

[/restrict]