<p style="text-align: justify;">جلالاباد (پژواک، ۲۰ کب ۱۴۰۲): د ننګرهار ولايت چارواکي وايي، پاکستان نن يو ځل بيا د هغو ناروغانو پر مخ د تورخم دروازه وتړله چې قانوني اسناد نه لري خو د يوې هوکړې له مخې کوزې پښتونخوا ته ځي.</p>
<p style="text-align: justify;">د ننګرهار د اطلاعاتو او فرهنګ رياست د اطلاعاتو امر صدیقالله قریشي بدلون د کب په ۲۰مه پژواک اژانس ته وويل، پاکستان يو ځل بيا د تورخم دروازه د ناروغانو پر مخ وتړله.</p>
<p style="text-align: justify;">هغه زياته کړه، پاکستاني چارواکو نن ناوخته په ننګرهار کې د ناروغانو تشخیص ځانګړي کمېسیون ته ویلي هغو ناروغانو ته به اجازه نه ورکوي چې ویزه ونه لري.</p>
<p style="text-align: justify;">نوموړي له ناروغ لرونکو وغوښتل چې کمېسیون ته تر بلې خبرتیا پورې له ورتګ څخه ډډه وکړي.</p>
<p style="text-align: justify;">د یادونې ده، دوه میاشتې مخکې هم پاکستاني چارواکو د هغو ناروغانو او موټر چلونکو پرمخ تورخم دروازه دوولس ورځې تړلې وه چې ویزه او پاسپورټ یې نه درلود، چې وروسته بیا د افغان او پاکستاني چارواکو د خبرو پایله کې اجازه ورکول شوه.</p>
