کابل (پژواک، ۲۶ کب ۱۴۰۲): د افغانستان د ارشاد، حج او اوقافو سرپرست وزیر په مشرۍ د علماوو لس کسیز پلاوی ازبکستان ته ولاړ.
د ارشاد، حج او اوقافو وزارت په خبرپاڼه کې راغلي چې یاد پلاوی د دغه وزارت د سرپرست مولوي نورمحمد ثاقب تر مشرۍ لاندې د ازبکستان مسلمانانو د ادارې د مشر مفتي شیخ نورالدین خالق نظر په رسمي بلنه یاد هېواد ته تللی.
سرچېنې لیکلي چې په دغه سفر کې به د علماوو پلاوی د ازبکستان هېواد د تاشکند، بخارا او سمرقند ښارونو له دیني او اسلامي مرکزونو څخه د لیدنې سربیره د دغه هېواد د اسلامي بنسټونو له مسولینو سره د دواړو هېوادونو د اړیکو ټینګښت، پراختیا او همکاري، د علماوو ترمنځ د اړیکو پراختیا او پرمختګ، د جوماتونو او مدرسو په برخو کې یو له بل سره همکاري او تجربی شریکول او د اسلامي میناتوری او سبک په برخه کې د معلوماتو ترڅنگ په یو لړ نورو موضوعاتو خبرې وکړي.
د یادونې ده، د ازبکستان هېواد د سمرقند، بخارا او ترمذ ښارونه ګن شمېر ديني، علمي او تاریخي مرکزونه لري چې د اسلامي تمدن یوه لویه برخه جوړوي، په سیمه او په ځانګړې توگه په منځنۍ اسیا کې د اسلامي تمدن او کلتور مهمه برخه بلل کېږي.
Visits: 19
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن