کابل (پژواک) – د افغانستان د کرکټ له ۱۹ کلنو کمعمره ملي لوبډلې د اسیا جام سیالیو په خپله دویمه یو ورځنۍ لوبه کې مالیزیا ته د لسو وېکټو په توپیر ماته ورکړه.
د دې لوبې پچه د افغانستان لوبډلې وګټله او لومړی یې د توپاچونې پرېکړه وکړه.
په دې لوبه کې د مالیزیا لوبډلې لومړی توپوهنه ترسره کړه او په ۲۳م اور کې یې د ټولو لوبغاړو په سوځېدو ۴۲ منډې وکړې.
د افغان لوبډلې په ګټه نورعلي نیازي شپږ، امیر حمزه دوه او بلال د مالیزیا یو لوبغاړي وسوځول.
افغان لوبډلې ورکړل شوی هدف په درېیو اورونو کې د کوم لوبغاړي له سوځېدو پرته پوره کړ او مالیزیا ته یې د لسو وېکټو په توپیر ماته ورکړه.
دغهراز، د افغانستان له ۱۹ کلنو کمعمره کرکټ ملي لوبډلې په دغو سیالیو کې په خپله لومړۍ لوبه کې بنګلهدېش ته ماته ورکړې وه.
د یادونې ده، له ١٩ کلنو ذ کمعمره لوبډلو اسیا جام سیالۍ په عمان کې روانې دي.
