<p style="text-align: justify;">فراه ښار (پژواک، ۱۳ غويی ۱۴۰۳): د فراه په پرچمن ولسوالۍ کې پر یو شمېر کارګرانو پاڼ رالوېدلی چې له امله یې یو کس مړ او شپږ نور ټپيان شوي دي.</p>
<p style="text-align: justify;">دغه څرګندونې په هغې خبرپاڼې کې شوې چې د فراه د اطلاعاتو او فرهنګ ریاست رسنیو ته لېږلې ده ده.</p>
<p style="text-align: justify;">سرچینه زیاتوي چې تېره ورځ ناوخته د پرچمن ولسوالۍ د قمرک سیمې په دنګورګي کلي کې پر یو شمېر کسانو چې ویاله یې جوړوله، پاڼ رالوېدلی دی.</p>
<p style="text-align: justify;">خبرپاڼه کاږي چې په دې پېښه کې یو کس مړ او شپږ نور سخت ټپيان شوي دي.</p>
<p style="text-align: justify;">د خبرپاڼې له مخې، سيمهییز مسوولین د پېښې ځای ته ورغلي او ټپیان یې نږدې روغتيايې مرکز ته لېږدولي دي.</p>
<p style="text-align: justify;">د سرچینې په خبره، په ټپیانو کې د درېیو روغتيايي وضعیت د اندېښنې وړ دی.</p>
