راشد خان له څلورو کلونو وروسته هېواد ته راستون شو

<p style="text-align: justify;">کابل (پژواک، ۲۹ غویی ۱۴۰۳): د افغانستان کرکټ بورډ وایي چې د ملي لوبډلې لوبغاړی راشد خان له څلورو کلونو وروسته، نن سهار کابل ته راغی.</p>

<p style="text-align: justify;">د افغانستان کرکټ بورډ پر خپله فېسبوک‌پاڼه لیکلي، راشد خان چې څو کلونو کې د بوخت مهالوېش له امله نه و توانېدلی چې هېواد ته راشي، نن سهار کابل ته راورسېد.</p>

<p style="text-align: justify;"><img class="aligncenter wp-image-615114 " src="https://pajhwok.com/wp-content/uploads/2024/05/راشد-خان-2.jpg" alt="" width="680" height="438" /></p>

<p style="text-align: justify;">سرچینې زیاته کړې، د افغانستان د کرکټ بورډ عمومي رییس او اجرئیوي رییس له خوا ورته کابل نړۍوال هوایي ډګر کې ښه راغلاست وویل شو او کرکټ بورډ ته د یو لړ مراسمو په لړ کې بدرګه شو.</p>

<p style="text-align: justify;">راشد خان داسې مهال هېواد ته راستنېږي چې د روانې غویي میاشتې په ۱۲مه کرکټ بورډ د راشد خان په لوبډلمشرۍ د شل اووریز نړۍوال جام لپاره لوبډله اعلان کړه او وړمه ورځ وېسټ‌انډیز ته ولاړه.</p>