<p style="text-align: justify;">غزني ښار (پژواک، ۳۱ غویي ۱۴۰۳): د غزني ښار نواباد سیمه کې د نږدې ۱۹ میلیونه افغانیو په لګښت د برېښنا د څلورو ترانسفرمرونو په نصبېدو سره۱۲۰۰ کورنۍ له برېښنا برخمنې شوې دي.</p>
<p style="text-align: justify;">غزني ولایت کې د برېښنا شرکت رییس صلاحالدین توکلي نن رسنیو ته وویل، د غزني ښار د نواباد سیمې۱۲۰۰ کورنیو ته د شاوخوا ۱۹ ميليونه افغانیو په لګښت د برېښنا څلور ترانسفرمرونه نصب او نن ګټي اخیستني ته وسپارل شول.</p>
<p style="text-align: justify;">هغه وویل، هر ترانسفرمر د څلور سوه کیلوولټ برېښنا د لیږد ظرفیت لري چې ټول به په یو وخت کې د یادې سیمې ۱۲۰۰ کورنیو ته ۱.۶ میګاواټه برېښنا ورکوي.</p>
<p style="text-align: justify;">یاد ولایت کې د برېښنا شرکت مسوولین وايي، هڅه کوي چې د غزني ښار په بشپړه توګه د برېښنا شبکې تر پوښښ لاندې راولي.</p>
<p style="text-align: justify;">په ورته مهال، د یادې سیمې اوسېدونکي هم د یادو ترانسفرمرونو پر نصبېدو خوښ دي او له حکومته د لا ډېرې همکاري غوښته کوي.</p>
