امنیتي سرچینې: هرات کې پنځه کسان چې غوښتل یې یو صراف وتښتوي، نیول شوي

<p style="text-align: justify;">هرات (پژواک،۱۰ غبرګولی ۱۴۰۳): هرات کې امنیتي سرچینې وايي، د دغه ولایت په کشک رباط سنګي ولسوالۍ کې پنځه وسله‌وال کسان چې غوښتل یې یو صراف وتښتوي، د امنیتي ځواکونو له لوري ونیول شول.</p>

<p style="text-align: justify;">د هرات د امنیې قوماندانۍ ویاند عبدالله انصاف پژواک خبري اژانس ته وویل، نن پنځه وسله‌وال کسان چې غوښتل یې د دغه ولایت یو صراف وتښتوي، د یاد ولایت د کشک رباط سنګي ولسوالۍ په مربوطاتو کې د امنیتي ځواکونو له لوري نیول شوي دي.</p>

<p style="text-align: justify;">بلخوا، د کشک رباط سنګي ولسوالۍ مرستیال مفتي عبدالرحیم رحماني وویل، دغه کسان د امنیتي ځواکونو له لوري وروسته له هغه ونیول شول چې د دې ولسوالۍ په بند بقرچر سیمه کې یې د یوه صراف د تښتولو لپاره کمین نیولی وو.</p>

<img class="aligncenter wp-image-617903 " src="https://pajhwok.com/wp-content/uploads/2024/05/اسلحه-اختطاف-گران-در-هرات.jpg" alt="" width="618" height="409" />

<p style="text-align: justify;">نوموړي زیاته کړه: «یاد کسان چې د اختطاف اراده یې درلوده او د لارې په اوږدو کې یې د دغه ولایت د تورغونډۍ ښارګوټي یوه صراف ته کمین نیولی و، د امنیتي ځواکونو د کشفي راپور پر اساس ونیول شول او هغوی هم پر خپل جرم چې غوښتل یې یو صراف وتښتوي اعتراف کړی.»</p>

<p style="text-align: justify;">د مسوولینو د معلوماتو له مخې، له نیول شوو کسانو درې میله تفنګچه او یو میل کلاشینکوف هم ترلاسه شوي.</p>