بلخ کې ترافیکي پېښې له امله یو کس مړ او درې نور ټپیان شوي

<p style="text-align: justify;">مزارشریف (پژواک، ۱۲ چنګاښ ۱۴۰۳): د بلخ امنیه قومانداني وايي، د دغه ولایت د بلخ او دولت‌اباد ولسوالیو ترمنځ پر عمومي لار د یوې ترافیکي پېښې له امله یو کس مړ شوی او درې نور ټپیان دي.</p>

<p style="text-align: justify;">د بلخ امنیه قوماندانۍ د مطبوعاتو دفتر په خبرپاڼه کې راغلي، نن سهار د بلخ ولایت د بلخ او دولت‌اباد ولسوالیو ترمنځ پر عمومي سړک د عربانو سیمه کې دوو موټرسایکلونو ټکر کړی دی.</p>

<p style="text-align: justify;">سرچینې زیاته کړې، دغه پېښه کې یو کس مړ شوی او درې نور ټپیان شوي دي.</p>

<p style="text-align: justify;">خبرپاڼه کې راغلي، د پېښې ټپیان د امنیتي ځواکونو لخوا د مزارشریف ابوعلي‌ سینا بلخي حوزوي روغتون ته لېږدول شوي دي.</p>