هرات کې د ترافیکي پېښې له امله یو کس مړ او ۱۵ نور ټپیان شوي

<p style="text-align: justify;">هرات (پژواک، ۱۵ چنګاښ ۱۴۰۳): هرات کې ځايي مسوولین وايي چې د دغه ولایت په کشک رباط سنګي ولسوالۍ کې د یوه موټر چپه کېدو پېښه کې یو کس مړ او ۱۵ نور ټپیان شوي دي.</p>

<p style="text-align: justify;">د هرات د کشک رباط سنګي مرستیال ولسوال مفتي عبدالرحیم رحماني پژواک خبري اژانس ته وویل چې تېر ماښام د دې ولسوالۍ په یکه‌دوکان کلي کې یو فلاینکوچ موټر چپه شوی دی.</p>

<p style="text-align: justify;">هغه زیاته کړه چې په دې پېښه کې یو کس مړ او ۱۵ نور ټپیان شوي دي.</p>

<p style="text-align: justify;">نوموړي وویل چې د پېښې ټپیان د کشک رباط سنګي ولسوالۍ روغتیايي مرکز او د هرات حوزوي روغتون ته لېږدول شوي دي.</p>

<p style="text-align: justify;">د یادولو ده چې تېره اونۍ هم د دې ولسوالۍ اړوند په بغرچر بند ساحه کې له یوه باروړنکی موټر سره د یوه سراچه موټر لګېدو پېښه کې درې کسان مړه او شپږ نور ټپیان شوي وو.</p>