غزني ښار (پژواک، ۲۷ وږی ۱۴۰۳): په غزني کې د درېیو ترافیکي پېښو له امله د ښځو په ګډون نهه کسان ټپیان شوي دي.
د غزني امنیې قوماندانۍ له لوري پژواک خبري اژانس ته په استول شوې خبرپاڼه کې راغلي چې نن د دغه ولایت په بېلابېلو سیمو کې درې ترافیکي پېښې شوې دي.
سرچینه وايي چې د غزني ښار لومړۍ امنیتي حوزې اړوند د روضي کوتل سیمه کې یو باروړنکي او کرولا موټر ټکر کړی دی.
د خبرپاڼې په حواله په دې پېښه کې درې کسان ټپيان شوي دي.
دغه راز، سرچینه وايي چې د قرهباغ ولسوالۍ اړوند په سپینبند سیمه کې د یوه ټرکټور او مسافر وړونکي موټر ترمنځ ټکر شوی چې له امله یې درې کسان ټپيان شوي دي.
خبرپاڼه زیاتوي چې د غزني – پکتیکا پر لویه لار د اندړو ولسوالۍ په سیني سیمه کې یو فېلډر موټر چپه شوی چې له امله یې د دوو ښځو په ګډون درې کسان ټپيان شوي دي.
د سرچینې د معلوماتو له مخې، د یادو پېښو ټپیان د امنیتي ځواکونو او خلکو له لوري سیمهییزو روغتیايي مرکزونو ته انتقال شوي دي.
خبرپاڼه کې د یادو پېښو لامل د چلوونکو بېاحتیاطي په ګوته شوې ده.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن