<p style="text-align: justify;">کابل (پژواک، ۳ تله ۱۴۰۳): د میدانوردګو ولایت اړوند په سیداباد ولسوالۍ کې دوو ترافيکي پېښو کې شپږ کسان ټپيان شوي دي.</p>
<p style="text-align: justify;">د میدانوردګو امنيې قوماندانۍ وياند محمديوسف اسرار وايي، دغه ترافيکي پېښې تېره ورځ، د کابل – کندهار پر لویه لار د سیداباد ولسوالۍ په «لوړې» او «ډاګبغرۍ» سيمو کې رامنځته شوې دي چې له امله يې شپږ کسان ټپيان شوي دي.</p>
<p style="text-align: justify;">هغه زیاتوي، ټپيان امنیتي ځواکونو او د سيمې خلکو نږدې روغتيايي مرکزونو ته لېږدولي دي.</p>
<p style="text-align: justify;">د راپورونو له مخې، د وږي په ۳۱مه هم د یادې ولسوالۍ په ټوپ دښته کې د دوو موټرو د ټکر له امله ۱۱ کسان ټپيان شوي وو.</p>
