<p style="text-align: justify;">کابل (پژواک، ۷ تله ۱۴۰۳): د ایران تسنیم خبري اژانس د راپور له مخې، حزبالله تایید کړې چې د دغه غورځنګ مشر حسن نصرالله د اسرائیلي ځواکونو په یوه برید کې خپل ژوند له لاسه ورکړی دی.</p>
<p style="text-align: justify;">د راپورونو له مخې، د لبنان حزبالله غورځنګ مشر حسن نصرالله تېره شپه پر بیروت د اسرائیلي ځواکونو په برید کې خپل ژوند له لاسه ورکړی.</p>
<p style="text-align: justify;">د راپورنو له مخې، اسرائیل د جمعې پر ورځ د بیروت د سویل په ضاحیه سیمه کې د حزبالله پر عمومي مرکز برید وکړ.</p>
<p style="text-align: justify;"> د لبنان د روغتیا وزارت ویلي، په دغه برید کې ۶ کسانو خپل ژوند له لاسه ورکړی او ۹۱ نور ټپیان دي.</p>
<p style="text-align: justify;">د ایران تسنیم خبري اژانس لیکلي: «حزبالله د سیدحسن نصرالله شهادت تایید کړ.»</p>
<p style="text-align: justify;">حسن نصرالله له ۱۹۹۲ کال راهیسې د دغه غورځنګ عمومي منشي او مشر و.</p>
<p style="text-align: justify;"></p>
