د مرکزي اسیا والیبال سیالۍ؛ افغان لوبډله نن له تاجکستان سره لوبه کوي

<p style="text-align: justify;">کابل (پژواک، د لړم لومړۍ نېټه ۱۴۰۳): د افغانستان د والیبال ملي لوبډله د مرکزي اسیا سیالیو په لړ کې نن خپله څلورمه لوبه له تاجکستان سره کوي.</p>

<p style="text-align: justify;">د افغانستان د والیبال فدراسیون د معلوماتو له مخې، د هېواد د والیبال ملي لوبډله به د مرکزي اسیا سیالیو په لړ کې نن له غرمې مخکې خپله څلورمه لوبه له تاجکستان سره ترسره کړي.</p>

<p style="text-align: justify;">دغه سیالي به نن له غرمې مخکې په یوولس بجو د ازبکستان په پلازمېنه تاشکند کې ترسره شي.</p>

<p style="text-align: justify;">د یادونې ده، د افغانستان د والیبال ملي لوبډلې په دغو سیالیو کې تر دې مهاله درې لوبې ترسره کړي چې مالدیف ته یې ماتې ورکړې، ترکمنستان او ازبکستان ته یې بیا لوبې بایللې دي.</p>