په کابل کې د لسګونو ورزشکارانو ترمنځ د پاورلفټېنګ سیالۍ پیل شوې

<p style="text-align: justify;">کابل (پژواک، ۲ لړم ۱۴۰۳): د کابل د پاورلفټېنګ ریاست وایي چې د کابل ښار له شپږو کلبونو څخه د ۹۰ ورزشکارانو ترمنځ د پاورلفټېنګ سیالۍ پیل شوې.</p>

<p style="text-align: justify;">د یادو سیالیو د پیل پر مهال د کابل ولایت د پاورلفټېنګ رییس عزیز احمد حلیمي پژواک خبري اژانس ته وویل، دغه سیالۍ چې نن پیل شوې دوه ورځې به دوام ولري.</p>

<p style="text-align: justify;"><img class="aligncenter wp-image-646167 " src="https://pajhwok.com/wp-content/uploads/2024/10/power-lifeting-2-1024x683.jpg" alt="" width="638" height="426" /></p>

<p style="text-align: justify;">نوموړی وایي، په دغو سیالیو کې د کابل ښار له شپږو کلبونو څخه ۹۰ ورزشکارانو برخه اخیستې چې په نهه وزني کټګوریو کې ترسره کېږي.</p>

<p style="text-align: justify;">هغه زیاته کړه، یادې سیالۍ په څلورو سني کټګوریو کې نوي ځوانانو، ځوانانو، لویانو او د ماسټرانو په برخه کې ترسره کېږي.</p>

<p style="text-align: justify;">د ده په وینا، د دغو سیالیو د ترسره کولو هدف پاورلفټېنګ ورزش ته وده ورکول او په دې برخه کې د غوره ورزشکارانو پیدا کول دي.</p>

<p style="text-align: justify;">همدارنګه د دغو سیالیو یو ګډونوال ابو مسیح ظهوري پژواک ته وویل چې د ښې نتیجې لاسته راوړلو په خاطر یې له تېرو درې میاشتو راهیسې دغو سیالیو ته چمووالی نیولی دی.</p>

<p style="text-align: justify;">نوموړی وایي، دغه سیالۍ د دوی لپاره ډېرې مهمې دي او هیله لري چې یوه ورځ په نړۍوالو لوبو کې د افغانستان په استازیتوب ګډون وکړي.</p>

<p style="text-align: justify;">هغه د پاورلفټېنګ له فدراسیون او المپیک ملي کمېټې له مسوولینو څخه غوښتنه وکړه چې همداسې سیالۍ دې هر وخت ورته برابروي، تر څو دغه ورزش پرمختګ وکړي.</p>

<p style="text-align: justify;">د یادو سیالیو یو بل ګډونوال احمد وحید شیردل بیا له مسوولینو غوښتنه کوي چې د ورزشکارانو ملاتړ دې وکړي او له دوی سره دې مالي برخه کې همکاري وکړي.</p>