کابل (پژواک، ۶ لړم ۱۴۰۳): د ځوانانو اسیا جام شلاوریزو سیالیو پایلوبه نن د افغانستان او سریلانکا د الف لوبډلو ترمنځ ترسره کېږي.
د افغانستان د کرکټ الف لوبډلې په ګډون د اتو هېوادونو ترمنځ د ځوانانو «ایمرجېنګ» اسیا جام شلاوریزې سیالۍ چې په عمان کې روانې دي، په کې افغان ابدلیان او د سریلانکا الف لوبډلو پایلوبې ته لار ومونده.
په یادو سیالیو کې د افغانستان الف لوبډلې د هند الف لوبډلې او سریلانکا بیا د پاکستان الف لوبډلې ته په ماتې ورکولو سره د دغو سیالیو پایلوبې ته لار ومونده.
ټاکل شوې چې د افغانستان الف «افغان ابدالیان» لوبډلې او د سریلانکا الف لوبډلې ترمنځ د افغانستان پر وخت نن ماښام شپږ بجې پایلوبه ترسره شي.
د یادونې ده، د افغانستان او سریلانکا ترمنځ پایلوبه په عمان کې ترسره کېږي.
GET IN TOUCH
NEWSLETTER
SUGGEST A STORY
PAJHWOK MOBILE APP