مزارشریف (پژواک، ۸ لېندۍ ۱۴۰۳): ستره محکمه وایي، د بلخ ولایت په البرز ولسوالۍ کې دوو کسانو ته تعزیري سزا ورکړل شوه.
د سترې محکمې خبرپاڼه کې راغلي چې د بلخ ولایت د البرز ولسوالۍ د لومړنۍ محکمې د پرېکړې له مخې، دوو کسانو ته چې پر لواطت متهم وو، تعزیري سزا ورکړل شوه.
سرچينې لیکلي، لومړنۍ محکمې یاد متهمين پر څلور ـ څلور کاله تنفيذي بند او ۳۵ـ ۲۵ دُرو تعزیري سزا محکوم کړي وو چې یاده پرېکړه د سترې محکمې د عالي مقام له تایيد وروسته پر متهمینو تطبيق شوه.
دا په داسې حال کې ده چې نن په غور ولایت کې هم شپږو کسانو ته تعزیري سزا ورکړل شوې ده.
