برازیل کې د ترافیکي پېښې له امله ۳۸ مړه او اته نور ټپیان شوي

<p style="text-align: justify;">کابل (پژواک، ۲ مرغومی ۱۴۰۳): د راپورونو له مخې، د برازیل په جنوب‌ختیځ کې په یوه ترافیکي پېښه کې ۳۸ مړه شوي او اته تنه ټپیان دي.</p>

<p style="text-align: justify;">د امریکا غږ راپور له مخې، دا پېښه تېره ورځ د برازیل د میناس ګیریاس په ایالت کې د یو بس ټکر له امله شوې او له ټکر وروسته بس موټر اور اخیستی.</p>

<p style="text-align: justify;">په راپور کې راغلي چې په دې پېښه کې لږ تر لږه ۳۸ کسانو خپل ژوند له لاسه ورکړی او اته تنه نور ټپیان دي.</p>

<p style="text-align: justify;">د برازیل ولسمشر لیوس ایناسیو لولا ډا سلوا هم دغه پېښه ناوړه غمیزه بللې او د قربانیانو له کورنیو سره یې خواخوږي څرګنده کړې ده.</p>

<p style="text-align: justify;"></p>