خوستښار (پژواک، ۸ مرغومې ۱۴۰۳): د خوست امنیه قومانداني وایي، په دغه ولایت د ګاز ډبې چاودنې له امله څلورو کسانو خپل ژوند له لاسه ورکړی دی.
د خوست د امنیه قوماندانۍ وياند طاهر احرار پژواک خبري اژانس ته وويل چې نن د خوست ښار لویدیځ کې د دوېیمې امنیتي حوزې اړوند د استوګنې په یو اپارتمان کې د ګازي ډبې چاودنه کړې او وروسته اورلګېدنه رامنځته شوې ده.
هغه وویل چې په دغه پېښه کې یوه مېرمن او درېیو ماشومانو خپل ژوند له لاسه ورکړی دی.
احرار وایي، د پېښې ځای ته د امنیه قوماندانۍ د اور وژنې ډله رسيدلې او د اور د پراخیدو مخه يې نيولې.
GET IN TOUCH
NEWSLETTER
SUGGEST A STORY
PAJHWOK MOBILE APP