<p style="text-align: justify;">کابل (پژواک، ۲۳ مرغومی ۱۴۰۳): امریکايي رسنیو راپور ورکړی چې د کلیفورنیا ایالت په لاسانجلس ښار کې د اورلکېدنې له امله د مړه شوو کسانو شمېر ۱۶ ته لوړ شوی او څه باندې ۱۲ زره کورونه هم ویجاړ شوي دي.</p>
<p style="text-align: justify;"><strong><a href="https://www.nbcnews.com/news/us-news/live-blog/california-wildfires-live-updates-rcna187240">اېنبیسی نیوز</a> </strong>نن (یکشنبه) راپور ورکړی چې د اورلګېدنې له امله د پالیزیدس، ایتون، هرست، کنت او لیدیا سیمې زیانمنې شوې دي.</p>
<p style="text-align: justify;">د راپور له مخې، چارواکو ځایي اوسېدونکو ته سپارښتنه کړې چې خپلو سیمو ته له بېرته ورتلو ډډه وکړي او اوس هم څه باندې ۱۰۰ زره کسانو ته له خپلو سیمو د وتلو امر شوی دی.</p>
<p style="text-align: justify;">لاسانجلس کې ځايي چارواکو خبرداری ورکړی چې ښايي په راتلونکو ورځو کې د سختو بادونو له امله اورلګېدنه لا پراخه شي.</p>
<p style="text-align: justify;">د امریکا ولسمشر جو بایډن په لاسانجلس کې اوسنی وضعیت د جګړې صحنه بللې او خبرداری یې ورکړی چې ښایي د اورلګېدنې له امله د قربانیانو شمېر ډېر شي.</p>
<p style="text-align: justify;">اټکل شوی چې یادې اورلګېدنې تر اوسه ۱۳۵ تر ۱۵۰ میلیارد ډالر مالي زیان اړولی.</p>
<p style="text-align: justify;">د ویلو ده، دغه اورلګېدنه تېره اونۍ د سهشنبې په ورځ پیل شوه او تر اوسه د اور وژلو لپاره د اور وژونکو هڅو پایله نه ده ورکړې.</p>
