جلالاباد (پژواک، ۳۰ مرغومی ۱۴۰۳): د ننګرهار امنیه قومانداني وایي چې د دغه ولایت په سرهرود ولسوالۍ کې يې يو کس د خپل ورور د وژلو په تړاو نيولی دی.
د ننګرهار ولايت د امنیه قوماندانۍ وياند سيدطیب حماد وایي، دغه کس د سرهرود ولسوالۍ په احمدزيو کلي کې د ځمکې پر سر د شخړې له امله خپل ورور وژلی و.
دی وایي، یاد کس له پېښې وروسته ګاونډي هېواد پاکستان ته تښتېدلی و چې وروسته له اتو میاشتو هېواد ته راستون شو او د امنیتي ځواکونو له خوا ونیول شو.
د حماد په وينا، نیول شوی کس اوسمهال تر پوښتنو او ګروېږنو لاندې دی چې وروسته به عدلي او قضايي اورګانونو ته وسپارل شي.
GET IN TOUCH
NEWSLETTER
SUGGEST A STORY
PAJHWOK MOBILE APP