لوګر کې په یوه ترافیکي پېښه کې پنځه کسان ټپیان شوي

<p style="text-align: justify;">پل‌علم (پژواک، ۸ سلواغه ۱۴۰۳): د لوګر امنیه قومانداني وايي چې د لوګر - پکتیا پر لویه لار د ترافیکي پېښې له امله د دوو ښځو په ګډون پنځه کسان ټپیان شوي دي.</p>

<p style="text-align: justify;">د لوګر امنیې قوماندانۍ ویاند مولوي احمدالله انس پژواک خبري اژانس ته وویل چې تېره ورځ ناوخته د لوګر - پکتیا پر لویه لار یوه کرولا او پاسو موټرو ټکر کړی دی.</p>

<p style="text-align: justify;">هغه وايي چې په دې پېښه کې دوه ښځې او درې سړي ټپیان شوي دي.</p>

<p style="text-align: justify;">هغه زیاته کړه، ټپیان د امنیتي ځواکونو او خلکو له لوري د درملنې لپاره د پکتیا حوزوي روغتون ته لېږدول شوي دي.</p>

<p style="text-align: justify;">نوموړي زیاته کړه چې د یو شمېر ټپيانو روغتیايي حالت نازک ښودل شوی دی.</p>

<p style="text-align: justify;">هغه وايي چې پېښه د موټرچلوونکو د بې‌احتیاطۍ له امله شوې ده.</p>