کندهار (پژواک، ۵ غویی ۱۴۰۴): د کندهار سیمهییز مسوولین وايي، د دغه ولایت د سپینبولدک ولسوالۍ په کونچي سیمه کې د ژورو څاهګانو یو کېندونکی په خپلې کیندل شوې څاه کې لوېدلی او ژوند یې له لاسه ورکړی دی.
د سپینبولدک ولسوالۍ د اطلاعاتو مسوول مولوي عليمحمد حقمل وايي چې دا پېښه تېره ورځ پنجشنبه د کونچي سیمې په «خټ» کې رامنځته شوې او د شرافالدین په نوم یوه کس خپل ژوند پکې له لاسه ورکړی دی.
هغه زیاتوي چې د پېښې اصلي لامل په دغه ژوره څاه کې د بوکۍ بندېدل وو.
نوموړي وویل، شرافالدین د یادې ژورې څاه ترڅنګ چې بوکۍ پکې بنده شوې وه، یو بل څاه کېندلی و څو بوکۍ راوباسي خو دویمه څاه نړېدلې او نوموړی لومړنۍ څاه ته لوېدلی و.
هغه زیاته کړه، د ژغورنې له ۳۵ ساعتونو هڅو وروسته شرافالدین تېره شپه شاوخوا ۱:۳۰ بجه له برمې راوایستل شو خو ژوندی یې له لاسه ورکړی و.
GET IN TOUCH
NEWSLETTER
SUGGEST A STORY
PAJHWOK MOBILE APP