<p style="text-align: justify;">کابل (پژواک، ۱۰ غويی ۱۴۰۴): د هندي رسنيو د راپور له مخې، د هند د کلکتې ښار په یوه هوټل کې د اورلګېدنې له امله لږ تر لږه ۱۴ کسانو ژوند له لاسه ورکړی دی.</p>
<p style="text-align: justify;">د انډین اکسپرېس د راپور له مخې، دا اورلګېدنه تېره شپه شاوخوا اته بجې د «ریتوراج» په نوم یوه هوټل کې رامنځته شوې ده.</p>
<p style="text-align: justify;">راپور کې راغلي چې په دې پېښه کې لږ تر لږه ۱۴ کسان مړه او یو شمېر نور ژغورل شوي دي.</p>
<p style="text-align: justify;">د اورلګېدنې اصلي علت تر اوسه نه دی څرګند.</p>
