کابل (پژواک، ۲۸ غویی ۱۴۰۴): د راپورونو له مخې، د امریکا متحده ایالتونو د میسوري او کینتاکي په ایالتونو کې د توپانونو له امله لږ تر لږه ۲۱ کسانو ژوند له لاسه ورکړی دی.
د الجزیزې د راپور له مخې، د دغو توپانونو له امله یوازې په میسوري ایالت کې له پنځو زرو زیات کورونه ویجاړ شوي او دغه راز د زرګونه کورونو برېښنا هم پرې شوې ده.
د کینتاکي والي، اندي بشیر ویلي چې یوازې ۱۴ کسانو په دغه ایالت کې د توپان له امله مړه شوي دي.
د راپور له مخې، په میسوري ایالت کې بیا لږ تر لږه اووه نور کسان مړه شوي دي او چارواکو د هغو کسانو د موندلو لپاره هڅې پیل کړې چې ښايي په ودانیو کې بند پاتې وي.
