د پاکستان په کراچۍ کې د یوې ودانۍ نړېدو پېښه کې اته کسان مړه او نهه نور ټپیان شوي

<p style="text-align: justify;">کابل (پژواک، ۱۴ چنګاښ ۱۴۰۴): د راپورونو له مخې، د پاکستان په کراچۍ ښار کې د یوې پنځه پوړیزې استوګنیزې ودانۍ نړېدو له امله اتو کسانو ژوند له لاسه ورکړی او نهه نور ټپیان شوي دي.</p>

<p style="text-align: justify;">الجزیرې راپور ورکړی چې یاده پېښه پرون د کراچۍ ښار د لیاري په نوم د بې‌وزلو په یوه سیمه کې شوې ده.</p>

<p style="text-align: justify;">راپور کې راغلي چې په یاده پېښه کې اته کسان مړه او نهه نور ټپیان شوي دي.</p>

<p style="text-align: justify;">سرچینې لیکلي، په یاده ودانۍ کې تر سلو کسانو ژوند کاوه او د پاتې کسانو موندلو لپاره هڅې روانې دي.</p>

<p style="text-align: justify;">الجزیرې لیکلي، د کراچۍ ښار چې څه باندې ۲۰ میلیون نفوس لري، په ځانګړې توګه د غیرمعیاري جوړښتونو، غیرقانوني پراختیا، خرابو زېربناوو، ډېر بېروبار او د ودانیو قوانینو د طبیق ضعف له امله یوه زیانمنونکې سیمه ګڼل کېږي.</p>