غزني کې د لاسي بم د چاودنې له امله یوه ځوان ژوند له لاسه ورکړی

غزني ښار (پژواک، ۱۰ وږی ۱۴۰۴): د غزني امنیه قوماندانۍ وایي چې د دغه ولایت په قره باغ ولسوالۍ کې د یوه لاسي بم د چاودنې له امله یوه ځوان خپل ژوند له لاسه ورکړی دی.

 د غزني ولایت د امنیه قوماندانۍ په خبرپاڼه کې راغلي چې دغه پېښه نن له غرمې وروسته د قره باغ ولسوالۍ په باران‌قلعه کلي کې شوې ده.

خبرپاڼه کې راغلي چې یاد ځوان دغه لاسي بم موندلې وو او بیا یې په لرګي وهلی چې چاودنه یې پرې کړې او ژوند یې له لاسه ورکړی دی.

د یاودنې ده چې تر دې مخکې هم په غزني ولایت کې د زړو مرمیو د چاودنو له امله خلکو ته مرګ‌ژوبله اوښتې ده.