منځپانګې ته تلل
دوشنبه ۱۶ نومبر ۲۰۲۶ · کابل ۱:۲۴ غ.م
۲° — په ټولو ولایتونو کې هوا
صاف · ↑۱۴° ↓۰°
د هوا کیفیت: منځنی

کونړ او هلمند کې د پاکستان بمبار؛ اته کسان شهیدان او اووه نور ټپیان شوي

· ۱ دقیقه لوستل · ۳۱ کتنې · تازه شوی

کابل (پژواک، ۹ تله ۱۴۰۵): د کورنیو چارو وزارت وایي، د پاکستاني پوځي رژیم د کونړ په شلتن او د هلمند په ګرمسېر ولسوالیو کې د ملکي وګړو پر کورونو بمبار کړی چې له امله یې اته کسان شهیدان او اووه نور ټپیان دي او یو ماشوم ورک دی.

د کورنیو چارو وزارت یوې سرچینې پژواک ته وویل چې د پاکستان پوځي رژیم پنجشنبې شاوخوا ۳:۳۰ بجې، د کونړ ولایت د شلتن ولسوالۍ د چوګام په کلي کې يو کور بمبار کړی دی.

د دغه وزارت د معلوماتو له مخې، تر دې مهاله څلور تنه ټپیان روغتون ته انتقال شوي، چې یو نارینه دی، دوې ښځې دي او یوه هم ماشومه ده.

سرچینه زیاتوي: “څلور تنه شهیدان دي، چې دوه نارینه دي، یوه ماشومه ده او د یوه ماشوم یوازې پښې موندل شوې دي، چې تر اوسه یې جنسیت نه دی معلوم.”

هغه وايي چې یو ماشوم لا هم ورک دی او د ژغورنې عملیات دوام لري.

ده زیاته کړه: “د پاکستاني وحشي مزدور رژیم د وحشتونو په دوام تېره شپه د هلمند په ګرمسېر ولسوالۍ کې هم د عامو وګړو پر کورونو درنې بمبارۍ کړې دي، چې تر دې دمه څلور شهیدان او ۳ ټپیان دي‌.

هغه وايي چې د نورو شهیدانو او ټپیانو وروستي جزئیات به وروسته شریک شي.