د پاکستان د عوایدو فدرالي ادارې د دغه هېواد په بندرونو کې له یوه کانټینر څخه بل کانټینر ته د افغانستان د سوداګريزو مالونو د لېږد اجازه ورکړه چې ورسره به افغان سوداګرو ته اسانتیا رامنځته شي.
د کابل سیلو دولتي شرکت مسوولین وایي چې تېر کال یې ۲۰ میلیونه افغانۍ عواید درلودل، خو د روان کال تر پایه پورې به عوایدو کچه ۲۰۰ میلیونه افغانیو ته لوړه کړي. د باختر اژانس…
د کندهار صنعتکاران وايي، د برېښنا نشتوالي اړ کړي څو پر دې فکر وکړي چې خپلې فابریکې له دغه ولایته وباسي.
د اقتصادي چارو ځیني شنونکي وايي، هېواد ته د افغانۍ نویو بانکنوټونو په راوړلو سره به د زړو افغانیو «ناکاره حالت» سم شي او نوي بانکنوټونه به د توکو پر بیو او د افغانۍ پر ارزښت ځکه منفي اغېز ونه لري چې د زړو بانکنوټونو په بدل کې بازار ته وړاندې کېږي.
په خوست کې د فابریکو مالکان وايي، د بانکي، اقتصادي ستونزو او کافي خامو موادو نشتوالي له امله يې توليدات له خنډ او ځنډ سره مخ دي او نږدې نيمايي کارخونې تړل شوې دي.
د کندهار د سوداګرۍ خونې مسوولین وایي، له نږدې یوې میاشتې راهیسې له کندهاره بهر د انارو صادرات پيل شوي او تر دې مهاله د څه باندې ۲۵ میلیون امریکایي ډالرو په ارزښت له ۴۷زره ټنه ډېر انار پاکستان او هند ته صادر شوي دي.
د افغانستان بانک وایي، د افغاني بانکنوټونو د چاپ په برخه کې له پلان سره سم د پام وړ پرمختګونه یې ترلاسه کړي او هېواد ته د دغو بانکنوټونو د رارسېدو پړاوونه به له پالیسۍ سره سم پیل شي.
په کندهار کې د انګورو د حاصلاتو له ټولولو سره جوخت یې صادرات هم پای ته رسېدلي او سږ کال د څه باندې ۸ میلیون امریکايي ډالرو په ارزښت ۱۵زره ټنه انګور بهر ته صادر شوي دي.
په کابل ښار کې نن د تېرو اوو ورځو په پرتله، د قزاقي اوړو بیه راټیټه خو د مالیزیايي غوړیو بیه لوړه شوې ده.
د افغانستان مرکزي بانک سبا (د لړم لومړۍ) ۱۱ میلیون امریکایي ډالر د داوطلبۍ له لارې لیلاموي. دغه بانک نن د تلې په ۳۰ مه، په خپله ټويټرپاڼه کې لیکلي: «د افغانستان بانک غواړي چې…
د هېواد د مالیې وزارت د ګمرکونو لوی ریاست هغه اوازې رد کړې چې ګواکې د ډبرو سکرو صادراتو ګمرکي محصول کمېږي.
د هرات کتابپلورونکي په دغه ولایت کې د کتابپلورنې بازار رکود ته اندېښمن دي او وایي، نن سبا د خپل کسب او کار بدې ورځې تجربه کوي.
په کابل کې یو شمېر موټرپلورونکي وایي، د خلکو خراب اقتصادي وضعیت له امله په هېواد کې د موټرو پلور کم شوی او د پخوا په نسبت یې بيې هم ټيټې شوې دي.
د کابل په بادام باغ کې د «معیاري کرنه، د هېواد اقتصاد تضمینوونکې» تر سرلیک لاندې د کرنیزو محصولاتو او کورني تولیداتو نندارتون جوړ شو چې څلور ورځې به دوام ولري. په دغه نندارتون کې…
د بلخ په مرکز مزارشریف ښار کې یوې مېرمنې د ښځو لپاره ځانګړى رسټورانټ جوړ کړى او ترڅنګ يې اووه نورو ښځو ته د کار کولو زمينه هم پکې برابره کړې ده.
له افغانستان سره د مرستندویه هېوادونو د بشري مرستو په لړ کې، نن ۴۰ میلیون امریکايي ډالر نور کابل ته را ورسېدل.
د بلخ اوسېدونکي وايي، د نورو ولايتونو په پرتله په دغه ولايت کې د نفتي توکو بيه لوړه ده چې بايد کنټرول شي؛ خو اړوند مسوولين بيا وايي چې په بلخ کې د نفتي توکو کيفيت ښه دى نو ځکه بيه یې هم لوړه ده.
د افغانستان مرکزي بانک سبا د تلې په ۲۶مه، ۱۱ میلیون امریکایي ډالر د داوطلبۍ له لارې لیلاموي.
په کابل کې د جاپان سفارت وايي، هېواد یې له افغانستان سره د روغتیا په برخه کې ۵.۵ میلیون ډالر مرسته کوي.
ماليه وزارت وايي، د روان لمريز کال له پیله د تلې مياشتې تر ۲۱مې نېټې يې ۳۳ میلیارده او ۳۵۶ میلیونه افغانۍ غیر مالیاتي عواید راټول کړي دي.
په نیمروز کې یوه ډله ښځې وایي، له پرلیکه بازارموندنې څخه په استفادې سلګونو نورو ښځو ته د پایدار او بې زیانه کار زمینه برابره کړې ده؛ د صنعت او سوداګرۍ خونې مسوولین د دغو…
لرګین هنري اثار چې د افغانستان د خلکو له ډېرو پخوانیو لاسي صنایعو څخه ګڼل کېږي، مخکې به د سړیو له خوا جوړېدل؛ خو اوس ځېنو ښځو هم دغه هنر ته مخه کړې او په خپلو ظریفو لاسونو ظریف او ښکلي توکي تولیدوي.
په غزني ښار کې د معلولو ښځو د لاسي صنایعو نندارتون جوړ شو چې موخه یې د هغوی تولیداتو ته بازار موندنه وه. دغه یو ورځنی نندارتون چې د اروپايي ټولنې په مالي او سویډن…
په کابل ښار کې نن د افغانیو پر وړاندې د ډالر ارزښت له څو ورځو تنزیل وروسته یو ځل بیا لوړ شوی، په ورته وخت کې د قزاقي اوړو بیه هم د تېرې شنبې په پرتله لوړوالی ښيي او د نورو اړینو لومړنیو توکو بیې نږدې پر خپل ځای پاتې دي.
