کابل (پژواک، ۳۰ تله ۱۴۰۱): د افغانستان مرکزي بانک سبا (د لړم لومړۍ) ۱۱ میلیون امریکایي ډالر د داوطلبۍ له لارې لیلاموي.
دغه بانک نن د تلې په ۳۰ مه، په خپله ټويټرپاڼه کې لیکلي: «د افغانستان بانک غواړي چې د ۱۴۴۴ کال د ربیع الاول میاشتې په ۲۷مه (۱۴۰۱/ ۰۸/ ۰۱) د یکشنبې په ورځ د داوطلبۍ له لارې ۱۱ میلیونه امریکايي ډالر د لیلام په ډول وپلوري.»
یاد بانک له ټولو سوداګریزو بانکونو، صرافانو او د پولي خدمتونو له شرکتونو - چې پر شرایطو برابر وي - غوښتنه کوي څو په دې داوطلبۍ کې برخه واخلي.
د افغانستان بانک لیکلي، د داوطلبۍ ګټونکي دې خپل حسابونه د لیلام ورځې تر پایه تصفیه کړي.
سرچینه زیاتوي، د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کېږي او د داوطلبۍ ګټونکي به د خپل ذمت د قیمت پیسې په یو ځل په نغد ډول په ټاکلې موده کې د افغانستان بانک ته سپاري.
د یادونې ده چې د افغانستان بانک هره اوونۍ ټاکلې اندازه امریکايي ډالر لیلاموي څو د افغانیو ارزښت ثابت وساتي.
غړيYou need to subscribe to view the full article. Please login or register a new account.
