د کانونو او پټرولیم وزارت له پنځو داخلي شرکتونو سره د څه باندې یو میلیارد او ۷۹۷ میلیون افغانیو په ارزښت د بامیان ولایت د یکاولنګ ولسوالۍ د سرب او جستو کان د پنځو بلاکونو د استخراج، اکتشاف او پروسس تړونونه لاسلیک کړل.
د فراه په شيخ ابونصر فراهي بندر کې د ۴۰ میلیون افغانیو په لګښت د لویو باروړونکو موټرو لپاره د یوه معیاري ترمینل جوړولو چارې پيل شوې.
د افغانستان بانک سرپرست د صرافانو ټولنې له استازو سره په لیدنه کې له هغوی غوښتي چې د ملي ګټو په پام کې نیولو سره د احتکار او د اسعارو له قاچاقه د مخنیوي برخه کې همکاري وکړي.
د افغانستان بانک سبا (دوشنبه) د داوطلبۍ له لارې ۲۵ میلیون امریکايي ډالر لیلاموي.
د افغانستان بانک وايي، په پولي بازارونو کې نوسانونه د نورو هېوادونو په څېر یو طبیعي او معمول اقتصادي حالت دی، دغه بانک کافي مالي سرچینې په واک کې لري او د بیو د ثبات لپاره اړین اقدامات ترسره کوي.
د ټولګټو وزارت وايي، د افغانستان، ازبکستان، قرغيزستان او چين ترمنځ د څلور اړخيزه اقتصادي دهليز تړون د ۲۰۲۵ کال لپاره وغځول شو.
د ټولګټو وزارت د رېلپټلۍ معین د ازبکستان د ترانسپورټ له وزیر سره لیدنه کې د افغان - ټرانس پروژې د عملي کار د پیل د څرنګوالي په اړه خبرې کړې دي.
ځايي چارواکي وایي چې د بغلان د بورې فابریکه یې له اوږده ځنډ وروسته یو ځل بیا فعاله کړې او ډېر ژر به تولید پیل کړي.
د افغانستان بانک اعلان کړی چې تر راتلونکو دوو ورځو (راتلونکې اونۍ د شنبې په ورځ) ۲۰ میلیون امریکايي ډالر د لیلام په ډول پلوري.
غور کې د لاسي صنایعو تولیدونکي یو شمېر ښځې چې ورته د کاروبار زمینه برابره شوې، خوشحاله دي خو له اسلامي امارته غواړي چې د کاروبار پراختیا لپاره یې د دوی ملاتړ وکړي.
افغانستان کې د چین سفیر «د شانګهای همکاریو سازمان د ۲۰۲۵ کال انلاین محصول او د شانډونګ پرمختللې سوداګرۍ» تر عنوان لاندې د غونډې پرانیستغونډې ته وینا وکړه او په دغه سازمان کې یې د افغانستان د ناظر په توګه بیاغړیتوب وغوښت.
د ناروې د کډوالو شورا رییس یان ایګلنډ د امریکا د بهرنیو مرستو د درې میاشتني ځنډ په اړه د ډونالډ ټرمپ د پرېکړې په اړه اندېښنه ښودلې ده.
د صنعت او سوداګرۍ وزارت وایي، د دغه وزارت سرپرست په افغانستان کې د اذربایجان له سفیر سره په لېدنه کې، د دواړو هېوادو تر مینځ د راکړې ورکړې حجم د زیاتوالي او اقتصادي اړیکو د پراختیا په اړه خبرې کړي دي.
د صنعت او سوداګرۍ وزارت وایي، د دغه وزارت سرپرست په افغانستان کې د یوناما له مشرې سره په لېدنه کې، د صنعتي انکشافاتو، د تشبثاتو د مرکز جوړولو، د انلاین سوداګرۍ د مرکز د پرانیستنې او له خصوصي سکتور څخه د ملاتړ په اړه خبرې کړي دي.
د کونړ د کانونو او پټرولیم ریاست مسوولین وایي چې د یوې ازادې بولۍ له لارې د دغه ولایت په مرکز اسعداباد کې د ۴۰.۴ میلیون افغانیو په ارزښت ۲۲۲ کیلوګرامه قیمتي ډبرې وپلورل شوې.
فاریاب کې یو شمېر ممیز پلورونکي او بڼوال وایي چې په لاسي او ډیجیټلي تلو کې د وزن توپیر په سوداګریزو معاملو کې ستونزې پیدا کړې او دغه تفاوتونه د دوی د مالي زیان لامل شوي دي.
د ملګرو ملتونو د بشري مرستو همغږۍ دفتر (اوچا) وايي چې ډنمارک د افغانستان د بشري مرستو له صندوق سره ۲،۸ میلیون امریکايي ډالر مرسته کړې ده.
د ننګرهار مرستيال والي وايي، په دغه ولايت کې د صنعت او سوداګرۍ پراختيا لپاره هڅې ګړندۍ شوې او سوداګرو ته د صنعتي فابریکو جوړولو لپاره ۲۰ زره جریب ځمکه ورکول کېږي.
د بلخ سوداګرۍ او پانګونې خونې مسوولین وایي چې سږ کال له دغه ولایته بهرنیو هېوادونو ته څه باندې ۶۰۰ زره ټنه خوږهولې (شیرینبویه) صادره شوې چې د تېر کال په پرتله پنځوس سلنه ډېروالی ښيي.
افغانستان کې د ملګرو ملتونو د خوړو نړۍوال پروګرام وايي چې اروپايي ټولنې له دغه هېواد سره ۱۶ میلیونه او ۵۰۰ زره یورو مرسته کړې ده.
د ایران د اسلامي شورا د صنایعو او کانونو کمېسیون غړي امیر توکلي رودي د افغانستان او ایران ترمنځ د ګډې ځانګړې معدني اقتصادې ساحې د جوړېدو خبر ورکړی دی.
افغانستان لپاره د ناروې کمېټې عمومي رییس د اقتصاد وزارت له سرپرست سره په لیدنه کې ویلي، هڅه کوي د معلولینو ستونزو ته د رسېدنې په موخه خپل فعالیتونه پراخ کړي.
د صنعت او سوداګرۍ وزارت وایي، د دغه وزارت سرپرست د یوه ایراني پلاوي سره په لېدنه کې، اروپایي هېوادونو ته د ریل پټلۍ په واسطه د ایران او ترکیې له لارې د افغاني توکیو د لېږد په اړه خبرې کړي دي.
د تېرو اوو ورځو مخکې په نسبت نن کابل ښار کې د امریکايي ډالر پر وړاندې د افغانۍ ارزښت لوړېدو ترڅنګ د عربي سرو زرو، نفتي توکو، اوړو، بورې او غوړیو بیې لوړې شوې دي.
