د پژواک موندنې ښيي د دې ترڅنګ چې په ۱۴۰۲ کال کې د ډالر په وړاندې نسبت ۱۴۰۱ کال ته ۱۸ سلنه ډېروالی راغلی، د تېلو بیې ۱۲ سلنه، د ځینو لومړنیو توکو بیې څه باندې ۱۵ سلنه او د سروزو بیې ۶ سلنه ټيټې شوې دي.
فاریاب کې د لاسي صنایعو او ورېښمنۍ چپنو پلورونکي او تولیدوونکي د اوبدلو صنعت پر کمرنګه کېدو اندېښنه څرګندوي او وايي، که د دغه صنعت ملاتړ وشي، سلګونه ښځو او نارینهوو ته به د کار زمینه برابره شي.
د افغانستان بانک د تېر لمریز کال په اوږدو کې د افغانۍ ارزښت او ثبات ساتلو په موخه په ۴۰ ځلونو کې ۵۹۴ میلیون امریکایي ډالر د داوطلبۍ له لارې لیلام کړي دي.
د افغانستان بانک سرپرست د ایټالیا هېواد له سفیرې سره په لیدنه کې ویلي، دغه بانک د قوانینو په رڼا کې د نړۍ له ټولو هېوادونو، مالي او بانکي بنسټونو سره د غوره اړیکو غوښتونکی دی او په تېرو څه باندې دوه نیمو کلونو کې یې دا اړیکې په ښه ډول پاللې دي.
د بدخشان ولایت په مرکز فیضاباد ښار کې نیالګي پلورونکي د نوي کال د پسرلي په رارسېدو سره د خپل پلور کچې له ټيټېدو شکایت لري او له خلکو غواړي چې د سمسورتیا او د میوې حاصلاتو برخه کې د ځان بسیاینې لپاره نیالګي وپېري او کینوي.
د ننګرهار یو شمېر اوسېدونکي وايي چې د روژې میاشتې په راتلو سره د خوراکي او نورو توکو نرخونه لوړ شوي او خلک یې له ستونزو سره مخ کړي دي.
د افغانستان بانک وايي، سبا (د کب ۲۸مه) ۱۵ میلیون امریکایي ډالر د داوطلبۍ له لارې لیلاموي.
د افغانستان د سټنډرډ ملي ادارې د خپلو مرکزي لابراتوارونو پراختیا په موخه له یوې کمپنۍ سره د نږدې دوه میلیارد افغانیو په ارزښت د شپږو تجهیزاتي بنسټیزو پروژو هوکړهلیکونه لاسلیک کړل.
د صنعت او سوداګرۍ وزارت سرپرست د ازبکستان د بهرنیو چارو له وزیر سره د دواړو هېوادونو ترمنځ د سوداګریزو ستونزو د حل او د ازبکستان له خاورې د افغان سوداګریزو توکو د ټرانزیټي تعرفو کمولو په اړه خبرې کړې دي.
د افغانستان مرکزي بانک اعلان کړی چې راتلونکې شنبه ۱۷ میلیون امریکایي ډالر د داوطلبۍ له لارې پلوري.
بلخ ته د بهرنیو سیلانیانو د ورتګ له ډېرېدو سره د قیمتي ډبرو او له ډبرو د جوړ شوو قیمتي توکو بازار ښه شوی دی.
د پنجشېر له کانونو د استخراج شوو زمردو په پنځلسمه داوطلبۍ کې ۲۵۴۷ قیراطه زمرد په ۹۴ زره او ۸۰۰ امریکایي ډالرو وپلورل شول.
د افغانستان د صنعت او سوداګرۍ سرپرست وزیر د پاکستان د سوداګرۍ وزارت له معین سره د سوداګرۍ او ټرانزیټ پر وړاندې د شته خنډونو له منځه وړلو او د دواړو هېوادونو د خصوصي سکټور ترمنځ د نږدې اړیکو ټینګولو په اړه خبرې وکړې او هغه ته یې بلنه ورکړه چې کابل ته سفر وکړي.
د ملګرو ملتونو د بشري مرستو همغږۍکوونکی دفتر(اوچا) وايي چې سویس د افغانستان د بشري مرستو له وجهي صندوق سره د ۱،۷ میلیون امریکایي ډالرو مرسته اعلان کړه.
امریکا وایي، چې د ملګرو ملتونو له ادارو او مرستو ورکونکو هېوادونو سره یوځای به په افغانستان کې د مرستو رسولو بهیر څخه بیاکتنه وکړو.
د افغانستان د احصایې او معلوماتو ملي ادار وايي، د روان لمریز کال په تېره سلواغه میاشت کې څه باندې ۷۹۳ میلیون دالرو په ارزښت واردات او د څه باندې ۱۳۴ میلیون ډالرو په ارزښت صادرات شوي دي.
رییسالوزراء د روژې میاشتې را رسېدو په مناسبت یوه پیغام کې ویلي چې مسوول چارواکي باید د نرخونو لوړېدو مخنيوي په موخه جدي څارنه او اړين اقدامات وکړي.
افغان او ترکمن چارواکو د هرات نورالجهاد سبسټېشن، له ترکمنستانه هېواد ته د برېښنا رالېږد او کاري بهیر چټکتیا په تړاو خبرې کړې دي.
د کابل ښاروالۍ وایي چې دوی د نرخونو کنټرول پروسه چټکه کړې او له سوداګرو یې غوښتي چې د روژې مبارکه میاشت کې په لوړه بیه د توکو له پلورلو ډډه وکړي.
فراه کې یوه سوداګر د یونیم میلیون ډالرو په پانګونې د کبانو نیولو جالیو جوړونې کارخونه جوړه کړې.
د کلیفورنیا پوهنتون یو افغان استاد په افغانستان کې روانې اقتصادي هڅې ستایي، خو وایي، په اوسني حالت کې - چې هېواد له انفلاسیون څخه ډیفلاسیون ته تللی- اړینه ده د اقتصادي پرمختګ لپاره د منظم پلان له مخې «بېل اوټ» وشي.
د افغانستان د سټنډرډ ملي اداره وایي چې د روان کال سلواغې میاشت کې د هېواد په بندرونو کې د نفتي توکو د ۸۶۶۲ ټانکرو ارزونه شوې چې له دې ډلې ۳۵۲ ټانکره یې بېکیفیته تثبیت شوي او د واردولو مخه یې نیول شوې ده.
د افغانستان برېښنا شرکت وايي، ټاکل شوې د کاسا زر پروژې چارې د راروان کال په غويي میاشت کې بېرته پیل شي.
نن د تېر شنبې په پرتله کابل ښار کې د مالیزیايي غوړو او هندي بورې بیې ټیټې شوې، خو د سرو زرو بیې لوړې شوې دي.
