تخار کې د وچې مېوې یو شمېر پلورونکي او صادروونکي ګاونډیو هېوادونو ته د صادراتو له نشتوالي شکایت کوي او وایي چې له دوو کلونو راهیسې نورو هېوادونو ته د وچې مېوې صادراتو په برخه کې د هیڅ قرارداد شاهدان نه دي.
د سپینبولدک – چمن لار د اعتراضکوونکو له خوا له ډیورنډ کرښې پورې غاړې ته نن بنده شوه خو یوازې هغه افغان کډوالو ته اجازه شته چې بېرته هېواد ته راستنېږي.
د مالیې وزارت وایي، د افغانستان بانک د بانکونو ترمنځ د راکړې ورکړې (اداینو) نوی سیسټم پرانیستی او په دې سره به په بانکي برخو کې لا ډېره روڼتیا، چټکتیا او اسانتیا رامنځته شي.
هرات کې د زعفران ګل له اتمې کلنۍ جشنوارې وروسته د دغه محصول یو شمېر پلورونکي وايي چې حکومت دې سوداګرو ته د ویزو اخیستو او زعفرانو د صادراتو برخو کې لا ډېرې اسانتیاوې برابرې کړي.
د بلخ په مرکز مزارشریف کې د افغانستان په کچه د اوړو او نورو غلجاتو د عمده پلور بیو ټاکلو په موخه مارکېټ پرانیستل شو.
د امریکا د سولې انسټیټیوټ ویلي، د افغانستان اقتصاد د خرابوالي پر لور روان دی خو د دغه هېواد اقتصاد وزارت دغه څرګندونې ردوي او وایي چې په اقتصادي برخو کې د پام وړ پرمختګونه شوي دي.
د افغانستان بانک وایي، ننګرهار کې یې د ۱۱۸ میلیون او ۸۵۵ زره افغانیو په ارزښت زاړه او له کاره لوېدلي بانکنوټونه یې سوځولي دي.
د سمنګان یو شمېر اوسېدونکي د دغه ولایت په بازارونو کې د لومړنیو توکو د بیو له لوړالي شکایت کوي او وايي چې د افغانۍ پر وړاندې د ډالر ارزښت په ټیټېدو سره هم د لومړنیو توکو بیو کې هیڅ بدلون نه دی راغلی.
د احصایې او معلوماتو ملي اداره وایي، د روان کال په تله میاشت کې د ۲۵۰ اعشاریه ۴ میلیون ډالرو په ارزښت صادرات او د ۷۹۸ اعشاریه ۲ میلیون ډالرو په ارزښت واردات ترسره شوي دي.
نن کابل ښار کې د ۷ ورځو مخکې په نسبت د افغانیو پر وړاندې د ډالرو د ټيټېدو ترڅنګ د نفتي توکو، سروزرو او د پاکستانۍ وریجو بیې ټيټې شوې دي، خو د هندي بورې بیه لوړه شوې ده.
د امریکا د بهرنیو چارو وزارت د افغانستان سرپرست حکومت لخوا د نړۍوالو مرستو د حیف او میل په اړه د سیګار د مشر جان سوپکو د وروستیو څرګندونو په غبرګون کې ویلي، دوی په افغانستان کې د مرستو پر بهیر د څارنې غښتلی سیستم لري.
په اسلام اباد کې د افغانستان سفارت وایي چې پاکستان سره تر خبرو اترو وروسته دغه هېواد په کراچۍ بندر کې د ا فغان سوداګرو د بند پاتې اموالو د خوشې کولو پرېکړه وکړه.
د پنجشېر د کانونو ریاست وايي، په پریان ولسوالۍ کې د زمردو څلوېښت نوي کانونه پېژندل شوي چې په دې سره په دغه ولایت کې د زمردو د ثبت شوو کانونو شمېر ۱۲۵۰ ته ورسېد.
د افغانستان برېښنا شرکت د شبرغان – الوان دښتې د ۵۰۰ کیلوولټ مزي غځولو او د الوان دښتې سبسټېشن پراختیا پروژو پاتې چارې چې ۳۶ میلیون ډالر لګښت پرې راځي، یوه خصوصي شرکت ته په قرارداد ورکړې.
د افغانستان ، پاکستان او ازبکستان ترمنځ درې اړخیزه اقتصادي غونډه کې د ټرانزیټ او سوداګرۍ بېلابېلو برخو کې د همکاریو پر زیاتولو موافقه وشوه.
د افغانستان د صنعت او سوداګرۍ وزارت وايي، د دغه وزارت سرپرست په مشرۍ یو لوړ پوړی پلاوی له پاکستان او ازبکستان سره په درې اړخیزه ناسته کې د ګډون په موخه اسلاماباد ته روان شو.
د افغانستان بانک سرپرست د صرافانو ټولنې له استازو سره په لیدنه کې د افغانۍ د مبادلې نرخ د ټیکاو ساتنې او ترویج په اړه خبرې کړې او ویلي یې دي چې د صرافانو فعالیتونو د میکانیزه کولو لپاره کار دې کار وشي.
بلخ کې د ۲۲۵ زره امریکايي ډالرو په لګښت د ښځو اړوند ۱۵ بېلابېلو کارخونو ته د لمریزې برېښنا سیسټم جوړ شو.
د افغانستان د اوبو او انرژۍ سرپرست وزیر له ایران څخه په ژمي کې د پرچاوۍ او برېښنا تعرفې کولو غوښتنه وکړه.
د بادغیس یو شمېر اوسېدونکي له سرپرست حکومته غواړي چې د لومړنیو توکو بیې کنټرول کړي او له هغو هټۍوالو او سوداګرو سره قانوني چلند وکړي چې توکي په لوړه بیه پلوري.
د بامیان ځايي مسوولین په دغه ولایت کې د لاسي صنایعو له تولید او پلور سره د ښځو لېوالتیا له ډېرېدو خبر ورکوي، خو سوداګرې ښځې وايي چې اړوند بنسټونه دې د پلور او بازارموندنې برخه کې ورسره مرسته وکړي.
نن د یوه امریکایي ډالر د پېر ارزښت د اوو کلونو مخکې په څېر ۶۷،۶۰ افغانیو ته رسېدلی، خلک د ډالرو پر وړاندې د افغانیو ارزښت لوړېدو ته خوښ دي، خو د لومړنیو خوراکي توکو د بیو ټیټېدل غواړي.
د بغلان اوسېدونکي وايي، په هېواد کې د ډالرو بیې له لوړوالي سره ډېر ژر د خوراکي توکو بیې هم لوړېږي، خو له ښکته کېدو سره يې بیا د خوراکي توکو نرخونه نه ټيټېږي.
د بلخ کروندګر په دغه ولایت کې د پیازو بیو بېساري ټیټېدو ته اندېښمن دي او له حکومت غواړي چې له دوی سره د بازارموندنې او د سړو خونو په جوړولو کې مرسته وکړي.
